❌ Badscherei uffem Wase ❌
Bullizischde henn geschdrig obend vier Männer ond drei Fraue im Alder zwische 23 ond 28 Jahr feschdnemme müsse, weil se om sich gschlaga henn.
Die sieba Seggl henn in a Feschdzelt ned nei dirfa. Des henn die sich ed biede lao. Deswega henn se versuchd, em Security a paar uffd Gosch zom geba. Die Kolleg´ vom Security wurded au ogriffe ond drei Bullizischde hädded schier au ebbes abkriegt ond henn Pfefferspree gsprüht. Beim Feschdnahmeversuch hodd oiner von dene Leit em Bullizischde dr Schlagstock vom Gürtel klaut und Bullizischde ond a paar Securities verdroscha.
Nur mit ach und krach henn ses no gschafft, die Spinner in Zaum zom halda. Insgsamd senn bei dem Ereignis vier Securities ond sechs Bullizischde verletzt worda.
Dr greeschde Seggl von dene isch 35 Johr ald. Der ond seine Kumpels (23 ond 27) senn heid nach Befehl vom Staatsowalt in de Knaschd eigfahre. Elle von denne senn Deitsche.
Wenn ihr ebbes gsäh hobd, sodded ihr eich dr Apparat schnappe und dr Bollizei helfe under dr Feschdnetznummer +4971189903600.
Dr Tegschd uff hochdeitsch hemmer im Kommentar nei do.
Lieb´s Griaßle Blaulichdreport Schduagrd